Durante un anochi emotivo: Bestuurskantoor a ‘‘Light Up MBC’’

Dia 13 di october ta Dia Mundial di Conscientisacion di Cancer Mestatico (Mestatic Breast Cancer Awareness). En conexion cu esaki, Gobierno di Aruba a organisa e evento ‘Light Up MBC’ hunto cu Mary Joan Foundation.

Gobierno di Aruba a ricibi un peticion di un grupo di apoyo di un pashent local, Myandra Croes, pa cende e tres colornan cu ta describi Mestatic Breast Cancer. Ta danki na e grupo aki cu diahuebs a para keto un rato na Mestatic Breast Cancer, cu ta e tres colornan ros, teal y berde. Despues di diahuebs, lo lag’e na e color ros pa e resto di luna.

Prome Minister, mr. Evelyn Wever-Croes a bisa cu a organisa esaki den un tempo relativamente cortico, un anochi super emotivo, cu yen di emocion. Hopi hende na Aruba a yega di pasa den un situacion asina y ora cu ta papia di dje, e emocionnan ta bay halto.

MENSAHE DI GOBIERNO

Prome Minister a sigui bisa cu cancer di pecho ta e cancer cu si detect’e na tempo, e impacto cu e tin riba pashent y riba famia ta hopi menos. E ta un cancer cu por trat’e, por hasta bira cancer free di dje. Pero pa esey, “bo mes mester samina bo mes, cu bo detecta algo inusual bay dokter, haci e testnan. E ta algo cu por preveni y hunto por hacie.”

MARY JOAN Presente n’e evento aki tabata t’ey tambe vice-presidente di Mary Joan Foundation, Haydee Nadal, na e cendemento di e luznan berde, ros cu teal, en conexion di Dia Internacional di Cancer di Pecho den forma Mestatico.