DRH ta den dialogo continua pa evita impasse cu sindicato

Hopi bes ta papia riba e proceso di streamline den diferente departamento publico. Esey ta pone cu hopi biaha Departamento di Recurso Humano (DRH) den un impasse cu e sindicatonan. Pa evita impasse cu sindicato, DRH ta den dialogo.

Omaira Lares, director di Departamento di Recursonan Humano (DRH), a splica, durante e encuentro di Landspakket cu prensa, cu den mayoria of tur tema nan ta envolviendo e sindicatonan. Un ehempel cu el a duna tabata performance management, cu ta number B9-2, prome cu a cuminsa den implementacion. A combersa cu nan, a hinca e feedbacknan dje sindicatonan den e sistema cu a desaroya.

Despues DRH a cuminsa duna tayer, segun Lares, a duna e sindicatonan e training tambe na momento cu nan ta como trahado di un departamento. Cada biaha ora tin un tema DRH ta bay y combersa cu e sindcatonan. Esey ta un banda, por hiba e sindicato cu nan den e cambio, pero si ta keda dolor den e sapato di otro tema, cos cu ta andando y no a soluciona nan ainda, segun e director di DRH, e ta keda un problema.

P’e banda ey DRH ta haciendo su maximo esfuerso pa si tin bevordering pendiente. El a splica cu si e bay KIA, por ehempel, y papia di rangenstelsel of algo asina, nan ta bis’e pa atende cu e bevordering y pa por atende cu esey. DRH ta haciendo su maximo esfuerso pa haal bij, pasobra nan no tin achterstand na cantidad, cu tin cos di 2010 pendiente ainda. Segun Lares, nan ta haciendo lo maximo pa atende cu e cosnan cu por ta di nan atencion pa no tin problema na caminda.

Pa mas lesa TREMPAN.COM.