/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}
Ayera nochi Dienst Openbare Werken (DOW) a keda cla cu trabou di asfalta parti di L.G. Smith Boulevard, entre Wendy’s y Aruba Ports Authority. Awe mainta ta tuma luga marcacion di caminda.
/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}
“Un bes mas, masha danki pa e bon cooperacion durante ehecucion di e trabou aki”, asina DOW a publica awe riba nan pagina di Facebook. Ta nan intencion di sigui drecha e camindanan principal di nos isla y esunnan den mal estado. Obviamente no por drecha tur pareu pero por nota cu constantemente nan ta riba dje si.
Hopi cu ta core riba L.G. Smith Boulevard no tin un idea mes di ken e persona ey ta. E boulevard ta cuminsa na e rotonde Las Americas dilanti Cas di Cultura. Eydilanti tin un standbeeld na su honor.
L. G. Smith : Lloyd Gaston Smith
Hopi di nos ta core tur dia ariba e L.G. Smith Boulevard y masha di nos ta para keto puntra nos mes ken ta L.G. Smith.
E historiado Roberto G. Croes, den su pagina “Nos Historia Nos Herencia” a compila e storia.
Lloyd Gaston Smith ta naci dia 27 di Mei 1891 na Normal, Illinois, na Merca. Den añanan 20 a termina su estudio y a cuminsa traha como “ tekenaar” na Pullman y despues a bay traha cu Standard Oil of New Jersey.
Na aña 1927 Lloyd G. Smith a bishita Aruba pa prome biaha y a diseña e refineria Lago. A cuminsa construi e refinera na aña 1928 y riba dia 29 di januari 1929 Lago a cuminsa opera.
Dia 19 di october 1933 Lloyd G. Smith a bin biba cu su famia na Aruba y a bay biba den “La Casa Grande” riba e barancanan grandi dilanti di Baby Beach. Su funcion den Lago tabata como director general.
E tabata un hende hopi progresista y tabata e motor pa realisa construccion di e planta di awa, coriente, hospital y diferente misa y scol. Na aña 1938 Lloyd G. Smith a haya e distincion como Ridder in de Orde van Oranje Nassau.
Na 1942 Lloyd G. Smith a ocupa e funcion di vice-presidente di Lago y na aña 1944 Lloyd G. Smith a bira e prome presidente di Lago.
Na 1946 a nombra Lloyd G. Smith como Commandeur in de Orde van Oranje Nassau, masha poco hende despues a haya e distincion ey.
Na aña 1946 Lloyd G. Smith a bandona Aruba pa ocupa otro posicion den e compania.
Dia 9 di september 1958 Lloyd G. Smith ta fayece na Pennsylvania.
Gobierno di e tempo ey, na aña 1958, a nombra L.G. Smith Boulevard na su nomber.
/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}
Comment