Dos organisacion a cera cabes: Diasabra awo ‘beach clean up na Boca Grandi

Diasabra proximo, dia 29 di april, Parlamento Hubenil lo tene un evento di beach clean up na Boca Grandi. Ta hopi importante pa cuida nos medio ambiente.

Thayenne Frans, miembro di Parlamento Hubenil a splica cu hopi turista ta bishita nos beachnan. A pesar cu Boca Grandi no ta un beach hopi bishita pa nos turistanan, toch ta importante pa mas cu esaki cu e no ta popular, toch mester hacie limpi. 

E evento aki ta un colaboracion entre dos organisacion, cual ta Parlamento Hubenil y tambe Leerlingenraad di Colegio Nigel Matthew y Frans, cu ta miembro di tur dos a bin cu e idea pa e meimbronan di e dos organisacionnan aki bini hunto pa un evento asina importante cu ta cuido di nos medio ambiente. 

Tur miembro ta topa diasabra 7:00am na e anker cora y for di eynan tur lo sali bay hunto pa Boca Grandi. Si acaso tin hende cu no por haal e pa 7:00am, esey no ta problema. Por topa e grupo mas laat na Boca Grandi, Frans a bisa.

TIPS
Frans a menciona algun tips cu ta bon pa tene na cuenta na ora di recoge sushi

–          No sak door di bo lomba, pero uza bo rudianan

–          Door di solo, uza pechi y sunscreen

–          No bisti manga cortico pero bin cu manga largo pa proteccion contra solo

–          No piki sushi pa piki pero wak unda ta stap pa cualkier obheto skerpi

Ta precaucionnan cu mester tene cuenta cu nan ora di ta na lama.