Dos dia di sales event KIA Sportage 2023 ta den showroom di TopCar

TopCar a lansa e KIA Sportage 2023 pa su clientela. P’esey awe y mañan, 23 di september, tin e 2 Day Sale Event. E banconan presente den showroom di TopCar ta RBC, CMB, Banco di Caribe y Aruba Bank.

E KIA Sportage aki ta un modelo nobo y completamente cambia. E ta un auto sumamente nice, pasobra e parti paden ta mas grandi y amplio. E motor ta di 2.0 pero un version upgraded pa core mas zuining y e ta automatico. E tin luz LED dilanti como headlight, logo nobo, parking censor di dilanti. E ta bin cu riem size 18, pero ora di lock e auto e spielnan ta cera. E auto ta ekipa c’un smart key, e dashboard ta bin cu su screennan y ta carbon fiber trim. E ta un auto moderno y luhoso.

E auto ta mas largo y esey ta haci cu e pasaheronan por sinta mas comodo patras. Pa loke ta e body heup esaki a bira mas grandi. E luznan patras tambe ta LED, censor di reverse y camara. Tambe e bahul tin cargo screen y esey ta pa evita hende mira kico tin den e auto. E bahul dje Sportage aki ta mas grandi cu esun anterior. Pa loke ta e spare tire, esaki ta bin cu riem mescos cu e otro cuaternan.

E Kia Sportage 2023 ta costa 70.808 florin, pero por pag’e den cinco, seis of shete aña, incluso tin banco cu ta ofrece te ocho aña. Por scoge entre ocho color, pero den showroom tin color blanco, steal gray, gravity gray, color cora y preto. Asina ey clientenan por mira e KIA Sportage 2023. Por pasa awe y mañan entre 8:00 am y 12:00 pm y 1:30 – 5:30 pm.

Mayoria banco ta ofrece te seis aña, pero RBC ta ofrece pa paga shete te ocho aña. Pero esaki ta depende con caro e auto ta. Tambe tur banco tin nan interest rate abou, cual ta beneficia pueblo di Aruba. TopCar ta invita comunidad di Aruba pa yega cerca nan y probecha e momento aki cu e banconan t’ey. Unico cos cu mester yega cu ne ta rijbewijs y carta di trabou, unda cu e banconan ta cla pa atende nan cliente.