KOMUNIKADO DI PRENSA 042/2023.
31 yanüari 2023.

Dos detenshon relashoná ku ladronisia.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku varios kaso di ladronisia den kas ku a tuma
lugá den luna di desèmber 2022 i yanüari 2023, polis a hasi dos detenshon.
Djaluna 30 di yanüari 2023 den oranan di mainta i merdia, personal di tim di Reshèrshi VVC
riba òrdu di Ministerio Públiko a hasi detenshon di dos hòmber sospechoso:
 S.R.H.F., nasé na Kòrsou di 19 aña di edat.
 S.G.F., nasé na Kòrsou di 22 aña di edat.
Detenshon di e hòmbernan sospechoso a tuma lugá na warda di Reshèrshi.
A presentá ámbos sospechoso dilanti un fiskal ouksiliar ku despues di interogashon a
ordená nan enkarselamentu pendiente di mas investigashon.