KOMUNIKADO DI PRENSA 511/2022
1 novèmber 2022

Dos detenshon relashoná ku kaso di asesinato.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di asesinato ku a tuma lugá dia 29 sèptèmber 2022, (komunikado di
prensa 455/2022) tim di kasonan di Homisidio, huntu ku tim di Aresto i UST, a hasi dos
detenshon.
Djamars 1 di novèmber 2022 entre 05:12or i 05:30or di mainta a hasi detenshon di e dos
hòmbernan sospechoso.
Ta trata di e hòmbernan, J.R.L., i E.R.L., ámbos nasé na Kòrsou di 21 aña di edat.
E detenshonnan a tuma lugá den área di Dominguito i Steenmijn. Despues a hasi tres
entrada hudisial na e dos adrèsnan ariba menshoná i tambe na un adrès den Noord
Zapateer.
A haña i konfiská un vehíkulo, arma di kandela ku varios minushon, telefòn i plaka kèsh.
A presentá ámbos sospechoso dilanti di un fiskal ouksiliar ku a ordená nan enkarselamentu
pendiente di mas investigashon.