Dos detencion mas pa asesinato na Tanki di Savaneta

Despues cu a haci e prome detencion den e asesinato cu arma di candela na Tanki na Savaneta, a sigui cu investigacion di recherche na San Nicolas. Diabierna mainta banda di 11;00 am a bishita dos adres y a haci dos detencion. Un tabata Caya Tumba 32 unda a pone man riba un homber jong, yiu di Chines cu tin negoshi na Playa y Noord.

E otro a keda deteni na Noord 51E y tambe ta yiu di Chines comerciante cu negoshi na San Nicolas. Ambos ta cana cu mal amigo y tin cu a yega di cay sera caba pa benta di droga, arma y atraco. Ambos ta den mal caminda y ta play gangster. Riba rednan social mes por mira nan forma cu nan ta expone nan mes.

Aunke nan por a kies otro y traha duro mescos cu nan famia, nan a prefera di cana den e caminda robes. Awe bo por mira cu nan ta sospechoso atrobe pa likidacion di e hoben Colombiano fam Bravo di 19 aña riba tanki di Savaneta.

Recherche di San Nicolas ta sigui cu e investigacion. Falta e mucha muhe tambe cu tabata den e auto pa keda deteni. Den e accion mainta cu dos detencion, a confisca un auto tambe.