Dokter cu a grita “bomb” deteni na aeropuerto

E ta yiu di un dokter y e tambe ta dokter. E dokter di fam K. ta biba na Merca. Biahando y pasando siguridad y control, el a grita Bomb. Expresionnan asina bo no ta haci na ningun aeropuerto y pio pasando siguridad.

Polis  staciona na aeropuerto a actua mesora. A bay atende cu e pasahero cu ta dokter fam K. a detene y despues di atende cu ne a hib’e warda. Awor fiscal lo atende cu su caso. Manera cos ta mustra, loke el a comete por tin consecuencia pa su libertad algun dia mas.

E lo keda teni algun dia mas prome cu nan dun’e su libertad. Dicon el a sali grita bomb pasando siguridad di aeropuerto, no ta conoci. No ta prome pasahero cu na Aruba ta haya su mes den un caso asina. Mester mira bon con bo ta expresa bo mes. E por tin consecuencia tambe pa bo futuro vuelonan, pasobra tur aerolinea por prohibi pa bo subi nan avion pa siguridad.  Si Ministerio Publico atende rapido kisas por dun’e un multa y djey lag’e bay.