Do it Center: Red tag sale riba e productonan di Leen Bakker

E fin di siman aki Do it Center tin e red tag sale riba e productonan di Leen Bakker. Descuento ta cuminsa desde 20%, pero tin producto selecta cu ta bay

Ta haya descuento entre 20% y 40%, pero e promocion aki ta valido p’e fechanan di 28, 29 y 30 di october y tanten cu tin den stock. Lisanne Coffy, di Marketing department, a splica cu e red tag sale ta di e departamento di mueble. Diferente mueble lo tin un tag dje porcentahe cu e lo haya. En general tur mueble tin 20% di descuento caba riba dje, pero tin mueble selecta cu tin 30 y 40 porciento di descuento.

Desde diahuebs anochi Coffy ta cuminsa post riba Do it Center su pagina di Facebook ki producto ta na sale, kico ta e porcentahe y asina ey nan ta eynan diabierna trempan. Semper ora cu Do it Center tin un sale, nan ta bon bishita. Tur hende ta yega pa mira y probecha di e salenan. Tin diferente mueble, entre otro set di sala, comedor y mas.

Orario cu por pasa na Do it Center di dialuna pa diasabra ta di 8:00 am te 8:00 pm, mientras riba diadomingo ta di 9:00 am pa 6:00 pm. Entrante otro siman, desde 31 di october, Do it Center Shaba ta bay tin orario nobo cu ta di dialuna pa diasabra 8:00 am pa 9:00 pm, y diadomingo ta di 9:00 am pa 6:00 pm.

Coffy ta invita pueblo di Aruba pa pasa cerca nan y probecha di e sale aki riba e productonan di Leen Bakker. Tambe nan ta preparando pa nan coleccion nobo.