MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO
DJABIÈRNÈ 17 FEBRÜARI I DJAMARS 21 FEBRÜARI DEPARTAMENTONAN DI GOBIÈRNU TA SERÁ DESPUES DI 12’OR DI MÈRDIA
PUBLIKÁ RIBA 15 FEBRÜARI 2023
WILLEMSTAD – Riba proposishon di Minister Ornelio Martina di Ministerio di Gobernashon, Planifikashon i Servisio Públiko, Konseho di Minister a bai di akuerdo pa djabièrnè 17 di febrüari 2023 i djamars 21 di febrüari 2023, departamentonan di gobièrnu ta será for di 12’or di mèrdia si e servisio ta permití. Esaki relashoná ku ‘Teener Parade’ i Marcha di Despedida 2023. Ta pidi komunidat pa por fabor tene kuenta ku esaki.
