News

Diseñado Arubiano Quiana Cronie ta presenta su creacion den Dutch Design Week

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img
img{margin:0
auto 0 0}@media (max-width:767px){.tdi_9.td-a-rec-img{text-align:center}}

Quiana Cronie, un diseñado Arubiano hopi prometedor, ta presenta su creacionnan durante famoso Dutch Design Week (DDW) na Eindhoven. E evenemento di diseño ta esun di mas grandi na Noord-Europa.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img
img{margin:0
auto 0 0}@media (max-width:767px){.tdi_8.td-a-rec-img{text-align:center}}

E festival aki cu tin un duracion di nuebe dia ta trece hunto e trabou y concepto di mas cu 2600 diseñado pa 350.000 bishitante for di Hulanda y exterior, bou di cual lo haya pa admira e Cashaca di Quiana Cronie.

Door di crea un moda duradero y contamento di storia visual, Quiana (27) kier preserva di e forma aki e cultura di Aruba pa futuro generacionnan. E ta haci investigacion riba vestuarionan tradicional riba e isla, influencia door di e diferente culturanan como consecuencia di colonisacion y comercio. “Mi kier trece dilanti storianan, cu hopi biaha ta lubida, y comparti y pone esaki den luz pa tur hende,” Quiana ta conta. “Manera por ehempel e origina di e dicho cu ta bisa “come harinja, bisti bari”. E ta referi na un camisa di trabou cu e muhenan cu tabata traha duro, pero tambe cunukero y piscadonan tabata traha, rond di aña 1800, for di saconan di hariña bashi, cu tabata hopi duro.

 E reciclahe di e material ariba menciona ta haci e Cashaca un vestuario duradero. “Cu mi actual proyecto Cashaca mi kier duna bida nobo na e tradicion ey. Inspira pa e forma di traha di e tempo aya, mi a crea un version recicla (modernisa), di pañanan di mesa di catuna, rescata for di industria hotelero local. Di e forma aki tambe mi ta mustra riba e Aruba actual cu no t’asina duradero, unda cu e principal fuente di entrada ta turismo. Tanto souvenir como moda den su mayoria ta wordo produci den forma masal, rapido y pafo di Aruba.”

E diseñado ta splica cu door di hinca e Cashaca den un bachi nobo, e kier dirigi su mes un poco riba e patrimonio (herencia), identidad y union di e habitantenan di e isla.

Di otro banda, e Cashaca ta un forma pa comparti e storianan no conta di Aruba via di trahenan duradero, cu ta pa tur hende.

Quiana Cronie su origen ta di Aruba. Cu su 19 aña el a muda pa Hulanda, pa su estudio na Design Academie na Eindhoven. Aña pasa Quiana a bolbe su isla unda cu el a crece, pa diseña su coleccion (duradero) nobo cu ta contribui na preserva e storianan cultural. Esaki a bira posibel danki na un beca pa desaroyo di talentonan di “Stimuleringsfonds Creatieve Industrie”.

Foto cortesia di: Lici Feng y Patricia Cronie

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img
img{margin:0
auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *