Director drs. Van Gaalen: Gobierno no a pone preto riba blanco cu lo aloca fondo pa Respaldo

Den entrevista cu director di Fundacion Respaldo, drs. Hendrikus van Gaalen, el a relata e caminda cu ta canando for di aña pasa pa purba mantene e seccion di clientenan permanente den funcionamento.

Recorte di AZV den presupuesto, caso den corte y un falta di parti di gobierno pa oficialisa nan compromiso di ayudo, ta pone e entidad den un situacion hopi precario cu ta obliga di bisa e pashent y nan famia cu no por sigui brinda e cuido y tratamento cu nan tin mester.

Van Gaalen ta splica cu ta trata di 18 cliente cu nan conoce hopi bon y ta eynan di hopi tempo caba. E seecion aki di cuido mental ta uno cu ta resulta caro, pero cu ta indispensabel. Den pasado caba Respaldo a purba di yega na condicionnan di bida mas moderno, mas autonomo y menos hospitalario a traves di organisacionnan manera SABA y FCCA, pero esaki no a logra.

E plan no tabata pa e pashetnan aki keda na Respaldo permanentemente, pero na otro luga cu ta inclui e tratamento si di Respaldo.E urgencia di fondo a binda despues cu Fundacion Respaldo mester a entama un caso sumario (kortgeding) contra AZV pa e suma di 900 mil florin cu a corta di nan presupuesto. Tabata existi un palabracion entre ambos pa un recorte di 5.5%, pero na opinion di Respaldo, AZV a kita esey dos biaha cu ta igual na un total di 1.8 miyon florin entre 2020 y 2021. 

Pa e relato completo, lesa TREMPAN