DIMP: Aumento di toeristenheffing pa miho reparticion y cumplimento

Impuesto riba hospedahe of toeristenheffing tambe ta un di e areanan cu Departamento di Impuesto a elabora riba dje durante e conferencia di prensa cu a ofrece diahuebs mainta. Director mr. Luenne Gomez-Pietersz a indica cu obhetivo di esaki ta un reparticion mas husto di peso di impuesto y aumento di cumplimento. Pa cuminsa, a cambia e tarifa di toeristenheffing di 9.5% pa 12.5% entrante 1 di januari 2023.

E director a comparti cu DIMP ta haya diferente pregunta, relacion cu e momento di reservacion, hospedahe y pago di estadia. “Si un huesped of un turista ta haci un reservacion y haci e pago na 2022, naturalmente e tarifa di 2022 ta vigente. Hopi biaha ta haci reservacion den 2022 pa 2023, pero esakinan no ta registra ainda como un booking pasobra e turista no a haci e pago necesario, of por cancela su reservacion ainda. Si un turista ta haci un reservacion den 2023 pa un estadia den 2023 y ta paga den 2023, ta aplica e tarifa ahusta di 12.5%,” asina mr. Gomez-Pietersz a bisa.

Adicionalmente, a splica cu ta reparti un porcion di entrada total di toeristenheffing entre ATA Sui Generis, Pais Aruba y Tourism Product Enhancement Fund caminda ta tene cuenta cu e ehecucion di trabou di ATA, TPEF y  gobierno pa cu otro tipo di inversion manera infrastructura, enseñanza, etc.

Pa e relato completo, lesa edicion di TREMPAN