Digicel ta ofrece awo eSIM pa tur usuario di telefon celular di isla ABC

Un biaha mas Digicel a scucha su usuarionan y ta guia e tendencia den telecomunicacion. Digicel ta bira e prome proveedor pa trece eSIM pa su rednan na Aruba, Boneiro y Corsou. E clientenan di Digicel tin un bentaha grandi y ta un stap mas cerca di e ambionan cu pronto lo ta inevitabel. Digicel pa awor aki, di acuerdo cu reciente publicacion, lo ta e unico pa provee su clientenan un eSIM na Aruba. Ademas, e clientenan di cualkier otro proveedor den mercado por agrega un eSIM di Digicel y haci uzo di e plannan di data sin cu nan mester reemplasa nan SIM original y nan number custumbra.

“Diferente model di telefon nobo ya ta wordo diseña cu un SIM integra haciendo innecesario pa hinca un SIM fisico manera cu nos a bin ta custumbra. Banda di esaki, no tin ningun otro diferencia pa e manera con e cliente ta uza e red di Digicel. Unabes cu e cliente set-up su eSIM e por recarga su telefon cu credito, activa e plannan y uza e red di Digicel manera custumber, comosifuera ta un SIM regular. Nos ta ofrece eSIM pa cualkier smartphone cu capacidad di eSIM, no ta importa unda el a wordo cumpra,” segun Roeland van der Hoeven, CEO di Digicel. E clientenan di Digicel ta prome pa disfruta di e tecnologia aki den nos mercadonan ABC. E cambio di un SIM regular pa un eSIM di Digicel ta totalmente gratis p’e clientenan di Digicel y por wordo haci na cualkier establecimento of kiosco di Digicel.

Tocante tecnologia eSIM:

eSIM ta e ultimo avance den tecnologia pa telefon mobil, haciendo innecesario pa hinca un SIM regular manera cu nos a bin ta custumbra. Un eSIM ta referi na un SIM integra y cu no por keda kita fisicamente for di e telefon. Esaki ta nifica cu e usuarionan por ‘switch’ entre e rednan mobil, sin cu mester reemplasa nan SIM. Te hasta usuario por ‘download’ un profile specifico for di diferente red mobil directamente pa nan telefon primiendo djis un boton. Cu ‘profile’ ta referi na informacion di cuenta di un red specifico mara na un number di telefon specifico. Pa bo verifica si bo telefon ta funciona riba tecnologia di un eSIM bishita nos website www.digicelaruba.com.

Pa e turista- of Arubianonan residencia den exterior y cu ta bin pasa dia na Aruba esaki ta un bentaha tremendo durante di nan vacacion. Na e kiosco di Digicel na aeropuerto por activa esaki y cuminsa uza mesora. Si na e momento aki, bo ta cliente di Digicel y bo kier cambia pa un eSIM, esaki por sosode den algun minuut; bishita un establecimento di Digicel y e team lo asisti mesora.