Diamars yena cu accidente: Basta daño y tres persona herida

Diamars anochi alrededor di 9:40 pm a sosode un otro accidente. E accidente a sosode riba e caminda di Sero Pita pa Tamarijn. E autonan envolvi ta un Hyundai i10 color shinishi numera A-56993 y un Audi SUV. Segun por a compronde na sitio, e auto ta bayendo pariba, pues for di Tamarijn pa Sero Pita y e Hyundai direccion contrario. Tabatin varios hoben den y  i10. Con e accidente a sosode exactamente, ta keda den man di e specialistanan di trafico di polis pa investiga. Tur cos ta mustra su cu e trafico di direccion contrario lo a bay un poco na man robes cu consecuencia cu a dal contra e Audi, pero polis lo confirma con exactamente el a pasa. Un total di tres persona a resulta herida, pa cual na final ambulance a transporta no menos cu dos di nan pa hospital pa ricibi atencion medico avansa. Daño material tabata basta. Habitantenan di area ta preocupa, no menos cu seis luna pasa mas di sesenta persona cu ta biba eybanda a firma y a entrega un peticion pa polis drumi na gobierno, pero te dia di awe; nada. Ta spera cu gobierno por pone prioridad riba e peticion aki prome cu algo mucho mas grave sosode. No ta un secreto cu automobilistanan cu core cu velocidad hopi halto riba e caminda aki.