KOMUNIKADO DI PRENSA 069/2023.
16 febrüari 2023.

Detenshon relashoná ku ladronisia di vehíkulo.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

 

Kontinuando ku un investigashon relashoná ku un kaso di ladronisia di vehíkulo ku a tuma
lugá dia 22 di desèmber 2022, den área di Corrieweg, polis a hasi un detenshon.
Djárason 15 di febrüari 2023 alrededor di 17.00’or di atardi, personal di tim ku ta investigá
ladronisia di vehíkulo riba òrdu di Fiskal di Ministerio Públiko a hasi detenshon di e hòmber
sospechoso:
 R.E.D., nasé na Kòrsou di 30 aña di edat.
Detenshon a tuma lugá na su kas den área di Cher Asile.
Despues a tene un entrada hudisial na su kas i a haña i konfiská artíkulonan ku ta di
importansia pa e investigashon.
Na un kas no habitá banda di e adrès ariba menshoná polis a haña i konfiská basta piesa di
diferente vehíkulo probablemente prosedente di ladronisia.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.