KOMUNIKADO DI PRENSA 024/2023.
19 yanüari 2023.

Detenshon relashoná ku kandela intenshonal.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 19 di yanüari 2023 alrededor di 09.13’or, Sentral di Polis a risibí notifikashon ku un
kas situá den Kaya Shilling ta na kandela.
Na yegada di e unidat polisial, nan a konstatá ku un kas di blòki ta na kandela.
Brantwer a lográ paga e kandela i no por a evitá ku e kas a risibí daño di kandela.
For di e investigashon a sali na kla ku e hòmber sospechoso L.E.R.S., nasé na Repúblika
Dominikana di 42 aña di edat, mester a kima e kas intenshonalmente.
Un ratu despues un hòmber sospechoso a entregá su mes na warda di polis Otrobanda i a
atmití espontáneamente su kulpabilidat den e kaso di pegamentu di e kandela ariba
menshoná.
Polis a hasi e detenshon i a trasladá e sospechoso pa warda di reshèrshi pa kontinuá ku e
investigashon.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.