KOMUNIKADO DI PRENSA 066/2023.
15 febrüari 2023.

Detenshon relashoná ku intento di asesinato.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 14 di febrüari 2023 alrededor di 18.38’or, Sentral di Polis a risibí notifikashon ku
den kaya Chi Ku Cha, un vehíkulo mester a alkansá un siklista.
Na yegada di e unidat polisial, nan a topa ku un hòmber drumi boka abou den un plas di
sanger i ku varios leshon rònt su kurpa.
For di e investigashon preliminar e víktima a duna di konosé ku debí na un problema un
miembro di su famia a dal e intenshonalmente ku un vehíkulo.
Mesora a pidi ambulans pa presentá na e sitio ku a transportá e víktima pa Sala di
Emergensia di C.M.C., ta tratamentu médiko.
Alrededor di 22.00’or e hòmber sospechoso F.A.M., nasé na Kòrsou di 32 aña di edat, a
entregá su mes na warda di Polis Rio Canario i a atmití espontáneamente su kulpabilidat
den e kaso di intento di asesinato ariba menshoná.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.