KOMUNIKADO DI PRENSA 490/2022
21 òktober 2022
Detenshon pa menasa.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 20 di òktober 2022 alrededor di 19.04’or, Sentral di Polis a dirigí un unidat polisial
na un kas na Mahuma kaminda un hòmber tabata menasando un dama ku morto.
Na yegada di e unidat, polis a topa ku e hòmber sospechoso F.S.J., nase na Haiti di 54 aña.
Na e sitio a hasi detenshon di hòmber akí pa e kaso ariba menshoná.
A presentá e sospechoso dilanti di un fiskal ouksiliar, ku a ordená su enkarselamentu
pendiente di mas investigashon.
