KOMUNIKADO DI PRENSA 237/2023.
23 mei 2023.
Detenshon pa menasa i violashon di lei di opio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 22 di mei 2023 alrededor di 10.40’or, un hòmber a presentá na warda di reshèrshi
pa atende un asuntu.
Durante di su presensia na warda, el a kuminsá menasá i insultá un empleado pa despues e
bandoná e edifísio.
Mesora e personal di reshèrshi a sali tras di e hòmber aki i a logra par’é den su vehíkulo riba
Cubaweg. Den e vehíkulo aki tabatin un dama okupante tambe.
E polisnan a hasi un kontròl tantu na e duo komo den e outo i a haña un kantidat di droga
ku nan tabatin den nan poder.
Na e sítio a detené e hòmber A.F.M. di 28 aña di edat i e dama G.R.S.M. di 26 aña di edat,
ámbos nase na Kòrsou pa violashon di e lei di opio i menasa.
Despues di a presentá e sospechosonan dilanti di un fiskal ouksiliar, a ordená
enkarselamentu di A.F.M. pendiente di mas investigashon.
E dama G.R.S.M. a keda lagá den libertat.
