KOMUNIKADO DI PRENSA 469 /2022
12 òktober 2022
Detenshon pa ladronisia di piesa di outo.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un investigashon kaminda a hòrta piesa di dos outo dia 7 di òktober 2022 na
Kanga i Kaya Korona, tim di joyriding a detené un hòmber sospechoso.
Djamars 11 di òktober 2022 alrededor di 12.00’or, personal di tim di joyriding a detené e
hòmber C.R.M. nasé na Bonaire di 59 aña di edat pa e kasonan ariba menshoná.
Detenshon di e hòmber aki a tuma lugá na Warda di Reshèrshi na Garipitoweg.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.
