KOMUNIKADO DI PRENSA 406 /2022
26 ougùstùs 2022
Detenshon i konfiskashon pa ladronisia di vehíkulo
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Enkonekshon ku un kaso di ladronisia di outo ku a tuma lugá den e periodo di 20 di
sèptèmber 2021 te ku 19 di mart 2022 na un agensia di outo na Jan Noorduynweg, e tim
enkargá ku ladronisia di vehíkulo a tene 2 entrada hudisial.
E promé entrada hudisial a tuma lugá djabièrnè 26 di ougùstùs 2022 na Cocolodeweg
alrededor di 05:30’or i aki e tim a hasi un detenshon.
Ta trata di e hòmber sospechoso E.G.R. d W. di 50 aña di edat nase na Kòrsou.
Durante di e entrada hudisial a haña i konfiská artíkulonan ku ta di importansia pa e
investigashon.
E di dos entrada hudisial a tuma lugá na e adrès Kaya Amor Platoniko. Na e adres aki a
konfiská algun vehíkulo pa e investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
