Despues di hopi sondeo: Minister Wever a ranca sali cu embeyecemento den centro di ciudad

A haci hopi sondeo ultimo tempo den centro di ciudad, un area cu comerciante ta inverti. A drech’e, a habri diferente restaurant y tiendanan nobo. Ta un area cu tin hopi actividad caba, pero e falta e push. Segun Minister di Asunto Economico, desaroyo sostenibel y comunicacion, mr. Geoffrey Wever, ta bon pa empuha bao di e comerciantenan. Lo drecha e area ey, pone luz, pone banki, amplia e parkeerplaats, haci e luga bunita pa hende por cana riba dje.

Tin e Plaza Nikki Habibe unda cu tin un plasa, caminda cu por pone entretenimento y p’e turistanan por haci propaganda cu tin evento, pa bin eybanda. Tambe den cercania tin El Gaucho, Bits and Cheeses, Suikertuintje tin varios otro restaurant cu ta hopi ameno. Lo drecha e pida aki ya cu e comerciantenan t’ey caba. Lo haci esaki cu infrastructura, cu luz, banki, etc. Ta mustra e comerciante cu ta kere den nan y ta inverti cu nan, purbando pa inspira otronan pa sigui cu e tipo di desaroyo aki.

Ta preparando awor aki p’e di dos fase, papiando cu e sector comercial di e plannan cu nan tin y gobierno ta mehor’e. E ora ta purba di tin e sinergia. Gobierno tin e fondonan disponibel p’esaki. Pero aworaki ta depende kico comercio ta bid. E ta un procedura habri dependiendo di e contratistanan. E ora por mira si ta cuadra cu e cen cu gobierno tin. E ora por ehecut’e. Si ta mas, den dos fase of den un solo biaha. Esey ta depende con hopi e sali. Gobierno tin su calculacion y e placa p’esaki. 

Pa mas detaye lesa TREMPAN