Departamentu di arbitrahe di FFK ta bai organisá e promé kurso di arbitrahe pa e aña aki.
Despues ku e otro kursonan básiko di añanan anterior a resultá di ta un éksito, e aña aki tambe ta bai organisá un kurso básiko pa tur hende muhé i hòmber di 15 aña òf mas, pa dirigí entre otro weganan di Kampionato Hubenil ku ta e kategorianan di U-9 te ku U-20, Kampionato Femenino i tambe partidonan di Liga MCB Terser Divishon.
Departamentu di arbitrahe ta enkurashá spesialmente nos hende muhénan pa partisipá na e kurso aki debí ku no tin asina tantu hende muhé ku ta arbitro. FIFA ta stipulá ku partidonan di dama mester keda dirihí pa rèfrinan femenino. Pues un yamada ta bai na tur dama pa bin duna un man i amplia nos kuerpo di arbitrahe.
E kurso lo inisiá djabièrnè, 19 ougùstùs próksimo di 6’or di atardi pa 9’or di anochi i lo finalisá djasabra 3 sèptèmber 2022 ku un èksamen di 10’or di mainta pa 12’or di mèrdia.
E fecha ku orarionan ta lo siguiente:
| Dia | Fecha | Orario | Lugá |
| Djabièrnè | 19 ougùstùs 2022 | 6-9 PM |
Sala di FFK |
| Djasabra | 20 ougùstùs 2022 | 9 AM – 5 PM | |
| Djamars | 23 ougùstùs 2022 | 6-8 PM | |
| Djaweps | 25 ougùstùs 2022 | 6-8 PM | |
| Djabièrnè | 26 ougùstùs 2022 | 7-10 PM | |
| Djasabra | 27 ougùstùs 2022 | 9 AM – 4 PM | |
| Djamars | 30 ougùstùs 2022 | 6-8 PM | |
| Djaweps | 1 sèptèmber 2022 | 6-8 PM | |
| Djasabra | 3 sèptèmber 2022 | 10 AM – 12 PM |
Ora kompletá e kurso ku éksito lo tin un periodo di ‘stage’ di 6 luna promé ku risibí e diploma.
Pa inskripshon por tuma kontakto ku departamentu di arbitrahe na referee@ffk.cw òf via di number di telefòn 7365040 (ekstenshon 105) òf por manda un ‘app’ na 5482310. Inskripshon ta kosta fl.10,- i e kurso mes ta grátis, ku tur material inkluí. Por inskribí te ku 18 di ougùstùs 2022.
Pa abo ku ta un hóben dinámiko ku outoridat i ku ambishon, esaki ta bo oportunidat pa bira rèfri.
Inskribí awe mes, Departamentu di arbitrahe i FFK ta warda bo!
skema adaptá ku algun kambio i reprogramashon den Liga MCB Terser Divishon.
Blok 6 Interpoule StadionDiaFechaPouleWega nr.OrarioTeam di kasv/sBishitanteResultado
Blok 6 StadionDiaFechaPouleWega nr.OrarioTeam di kasv/sBishitanteResultado
| R.J.F. | Djabierne | 5-Aug-2022 | A/B | IP10 | 20:30 | C-Stars United (A5) | v/s | Curacao International United (B2) | Reprogramá |
| S.E.H. | Djadumingu | 7-Aug-2022 | A/B | IP13 | 16:30 | Buena Vista (A4) | v/s | C.H. Mahuma (B1) | Reprogramá |
| R.J.F. | Djadumingu | 7-Aug-2022 | B | B17 | 16:30 | Wishi Marchena | v/s | Stallions F.C. | |
| R.J.F. | Djadumingu | 7-Aug-2022 | A | A16 | 18:30 | De Koning | v/s | West Wolf United | |
| S.A.M. | Djarason | 10-Aug-2022 | B | B18 | 20:00 | Haitian Union Klup | v/s | Curaçao International United | |
| S.E.H. | Djarason | 10-Aug-2022 | A | A17 | 20:00 | C-Stars United | v/s | New Song | |
| R.J.F. | Djabierne | 12-Aug-2022 | B | B16 | 20:30 | Astros de Colombia | v/s | C.H. Mahuma |
