Declaracion riba “coctail sausage”: Hefe den mando policial di Corsou ta manda video pa colega muhe

Ta manera cu e macutu di puyito a bira di banda den Cuerpo Policial Corsou (KPC)  y e puyitonan a sali cana unda un cantidad di informacion a sali cu no por a mira luz di dia.

Despues di publicacion cu pastoor mester a hala atencion di un hefe di departamento. Ta asina cu tin un problema serio den Cuerpo Policial Corsou ( KPC) cu sigur mando mester trata di remedia prome cu esaki sali for di man. Un situacion tenso entre di dos colega polis di rango halto. Ta asina cu un di e polisnan, cu ta di rango halto, ta forma parti di e team di maneho di Cuerpo Policial Corsou, ta tilda su colega cu tambe di rango halto, di tin amistad/relacion amoroso cu varios dama polis den cuerpo policial.

A bin resulta cu tin mas asunto tumando luga cu sigur no ta aproba. A bin resulta cu tin hefe, di por lo menos dos departamento policial cu ta acerca e damanan polis y na momento cu e tin contacto cu nan e ta manda grabacion di su parti intimo.

Intencion di e video ta pa asina nan por “admira” su parti intimo. Esaki a sosode cu sigur cuater dama polis, pero naturalmente no no kier haci denuncia, ni di intimidacion y/ of acoso sexual, pa miedo di persecucion of pa evita cu e hefenan aki por haya nan den problema cu nan trabou.

Un di e damanan, cu un toke humoristico, a trece padilanti cu loke ta ser manda riba e videonan, no ta un bista y cu hasta a ser denomina como un “ cocktail sausage”  pero locual cu si por confirma, cu nan ta duna bon regalo y placa cash. 

Tocante e investigacion tumando luga:

Problema serio den leiding di Cuerpo Policial Corsou. Hefe halto a pidi pastoor interveni pasobra colega tin relacion cu varios polis muhe. Segun e miembro di e team di maneho (leiding), cu e echo aki sigur ta atacha e bon nomber di Cuerpo Policial.

Ademas di esey, a surgi un problema serio di respet den e cuerpo, como cu esaki ta pone cu e damanan aki ta trata e colega polis, cu a pesar di tur cos ta polis di rango halto e ta (nan superior). Ta surgi un desigualdad caminda cu nan no lo trat’e cu  masha respet, debi cu nan tin relacion/ amistad amoroso. 

E miembro di e team di maneho ta haya cu un agente policial aki (di rango halto) mester ta un ehempel pa su demas coleganan y no asina sin mas acerca e mayoriadi dama polis den cuerpo policial. E funcionario halto cu ta forma parti di e team di maneho di cuerpo policial, a trata di intermedia pa cu su colega pa e practicanan cu e la bin haña sa di dje, pero cosnan a sigui normal. Esaki a pone cu e miembro di e team di maneho a opta pa acerca e pastoor di nan Iglesia na unda e la pon’e na altura di e practicanan di su colega.

Tambe a pidi e pastoor pa papia cu su colega, pa pidie pa e stop cu loke e la bin ta haci pa basta tempo.

E pastoor na su turno a acerca e hefe aki di departamento y a pidie pa e stop of baha man cu e practicanan cu e la bin ta hiba. Esaki a pone cu e hefe a rabia pisa, a bira basta razo contra di e colega door cu esaki a tuma e tribimento di hiba su asuntonan personal pa Iglesia.

Esaki tur a yega na horea di mando di Cuerpo policial, awor ta warda y pensando con ta bay ataca e problema, prome cu esaki por sali completamente for di man. Siguiendo norma y balor cu un hefe mester tene cuenta cu ne ta, mirando e poder cu esaki ta desplega den un departamento y den cuerpo, esaki ta bira facil pa esnan di menos rango bira su “ prooi” y ta esaki e miembro di e team di maneho kier evita den Cuerpo Policial Corsou.