David Kock: Defensa presenta tabata uno huridico basa completamente riba echo y no insinuacion

E caso di Avestruz a continua awe unda a sigui e parti di pleidooi dje sospechosonan Benny Sevinger y Pieter Susebeek. E abogadonan mr. David Kock y mr. Demis Illes a trece dilanti defensa di nan clientenan.

mr. David Kock, abogado di acusado Sevinger, a pidi vrijspraak riba cada punto pa su cliente. El a splica pa hopi aña como defensa mester a keda keto, warda y mira kico tur Ministerio Publico ta bin cu ne pero tambe kico tabata nan movecion. Tambe ki ta e acusacion cu Ministerio Publico ta presenta cu ne, e dossier di loke tur den su opinion ta acusacion valido contra e sospechosonan.

Defensa di Sevinger a hay’e ta carga pasenshi y studia un file basta grandi, y den team chikito. Pasobra nan no tin tur instrumento y recurso di Ministerio Publico pa hiba e bataya. Nan ta kere desde a tende e requisitoir di Ministerio Publico y e informacion cu nan tin, nan a hiba un defensa hopi al caso. A trece tur cos bek den perspectiva di kico precies ta trata. A mustra tur e conclusionnan den nan opinion eroneo cu Ministerio Publico a haci. E abogado a indica cu a base di esey e sospecho- y acusacionnan infunda contra nan cliente.

E ta haya cu no tabata na dje pa bisa con cos a bay, pero ta mas subhetivo pa esunnan cu volg e caso por duna un comentario. Pero nan a hiba un defensa completamente huridico basa riba echo y no riba insinuacion of sentimento cu hende tin di cos cu a pasa.

Pa mas lesa TREMPAN.COM.