Dal den palo di luz na Morgenster: Ademas di sigui core a dal den otro auto band’i paperclip rotonde

Mas y mas accidente durante anochi di Halloween. Na mes momento cu tabata atende un accidente bandi Polyrama, a registra un otro accidente cu tambe a kita un area su coriente.

Den careda di 3:30 am, un Hyundai Elantra cora a bay dal den un palo di luz causa basta daño den e area di Morgenster. E auto aki no a para na e accidente aki pero a sigui core direccion rotonde paperclip, aki ta caminda el a bay dal den un otro vehiculo staciona na un cas net banda di e rotonde.

Un situacion basta tenso como cu mester a atende cu dos accidente un biaha (manera riba Green Corredor) mester a cera e area completo como cu tabatin dos area afecta sin coriente y diferente unidad di polis na cada sitio pa tuma dato di cada suceso.

Den tur e scuridad mester a zorg pa siguridad di tur envlovi. E vehiculo tabatin basta daño na e parti dilanti pero asina mes no tabatin mester di ambulance como no a registra ningun persona herida akinan. Takelwagen a presenta pa asina transporta e vehiuclo for di sitio.