News

CURPA y HTC ta cla pa bay eleccion


.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img img{margin:0 auto 0 0}@media (max-width:767px){.tdi_9.td-a-rec-img{text-align:center}}

Faltando solamente dos dia y algun ora a keda solamente tres partido cu ta den lucha pa haya e 586 firmanan necesario pa por bay eleccion.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img img{margin:0 auto 0 0}@media (max-width:767px){.tdi_8.td-a-rec-img{text-align:center}}

Diabierna den oranan merdia e partido cristian CURPA a keda cla y aunke cu na e momentonan ey HTC di Gilbert Webb tabata falta 50 firma, ya den oranan di atardi cu e perseverancia di Webb a duna resultado y asina a logra cera e cantidad di firmanan necesario.

For di dialuna ultimo cu e oficinanan di Censo y MFA a habri pa ricibi esnan cu kier firma pa un di e ocho partidonan cu mester busca firma por a mira Webb para den e higra di solo y awe den e yobida, cu hopi persverancia. Cu su pancarta den man e tabata atrae atencion di adulto y hoben, kende ta esnan cu a yud’e., poniendo nan firma pa e por participa den e eleccion. “Nos kier logra esaki prome cu 8:30 awenochi,” el a bisa. Y el a logra.

HTC y CURPA logra 586 firma

HTC y CURPA logra 586 firma. Click aki pa mas https://24ora.news/3YlnWkz

Posted by 24ora on Friday, October 25, 2024

Den su prome declaracion diabierna mainta, el a bisa cu e no ta forsa ningun hende pa firma pa HTC pero simplemente e ta promove un cambio pa Aruba y a base di esey e kier convence votadonan pa uni na dje.  “Nos no tin compinchinan pa yuda nos.”

Mientras cu e tabata luchando,  CURPA na e momentonan ey tabata falta solamente 50. E momento ey Eric Ras, lider di CURPA, a bisa cu nan no a haya ayudo di e partidonan grandi. “Nos a logra riba propio esfuerso y nos no kier ayudo di e partidonan grandi tampoco.

CURPA mes a cera su lista rond di 2.30 di  merdia y HTC mas laat.

E dos partidonan cu no ta mira un avance ta MIA di Helen Croes y UPP di Giovanni Trim. MIA (Movimento Indigena Aruba) ta participando pa prome biaha den un eleccion y ta funda e aña’ki. UPP ta funda door di Booshi Wever y ultimo eleccion sra. Pemberton a lidera e partido, pero sin mucho resultado diferente cu e fundado Booshi Wever.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img img{margin:0 auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *