Cu data y recomendacion: Minister Cooper den parlamento riba seguridad den trafico

Diabierna 9 di december, Minister Charles Cooper tabata presente den Parlamento di Corsou pa continua cu e reunion tocante siguridad di trafico. Durante di e reunion aki, Minister Cooper a duna contesta riba varios pregunta di e parlamentarionan riba e aspecto di siguridad di trafico.

Algun di e pregunta/remarcanan y e contestanan cu a bin dilanti tabata entre otro:

1. ‘Ta bon pa traha riba un Road Safety Plan’

Ministerio di Trafico, Transporte y Planificacion Urbano (VVRP) ta trahando riba un ‘Road Safety Plan’ actualisa. E plan di Road Safety ta reparti den data, hende y comportacion, vehiculo y Infrastructura.

2. ‘Tin auditoria di e camindanan den otro pais. No a bin cu solucion pa e camindanan’

VVRP a haci auditoria na rotonde di Sta. Rosa y na rotonde Julianadorp. Na Sta. Rosa a cambia e direccion di cierto parti di e cayanan y esaki a pone cu mas vehiculo por pasa. Di e forma aki, a trece alivio den trafico y baha fila. Servicio pa Obra Publico a scoge kico e por  implementa

3. Caminda Bándabou, Caracasbaai, Winston Churchillweg, Nieuwe Havenweg ta cobra hopi bida di hende. Minister por menciona e camindanan y kico minister lo bay haci?

Cada aña, e compania Forensys ta saca un lista di e cayanan cu mas accidente/incidente. Esaki pa 2022 tabata: FD Rooseveltweg, Schotegatweg Noord, Winston Churchill, Carcasbaaiweg, Helmin Wiels blv, Nieuwe Haven, Weg naar Westpunt, Jan  Noorduynweg y Cas Coraweg.

VVRP ta studia e cifranan cu regularidad pa haci analisis y duna recomendacion. A incorpora e recomendacionnan den un programa di mas aña, cu ta inclui entre otro siguridad rond di scol, marcamento di caya y mobiliario di caya.

Tambe, VVRP ta haci campaña di informacion pa asina educa e participantenan den trafico. Ta bay scol y ta papia cu e muchanan pa conscientisa riba regla den trafico. For di analisis, a constata cu e muchanan ta yuda e mayornan ta mas alerta pa comportacion den trafico.

4. Cuanto ta e cifra di e casonan/accidentenan fatal den ultimo 10 aña?

2012: 13

2013: 14

2014: 19

2015: 20

2016: 18

2017: 17

2018: 18

2019: 17

2020: 16

2021: 19

2022 (te cu october): 19

5. Ta mira un liña (pa loke ta e casonan fatal)?

E promedio di victima fatal cu pa aña ta 17-21. Despues di analisa detaye, lo por indica kico ta e posibel liña. Tin caso di mas cu un victima fatal den 1 accidente.

Asina Minister Cooper hunto cu expertonan di su ministerio a contesta e preguntanan cu a bin dilanti di parti di nos parlamentarionan.

Minister Cooper lo sigui traha pa halsa siguridad di trafico y ta para cla semper pa duna cuenta y rason na Parlamento di Corsou