Coriente statico den curpa a cende candela ora di yena tanki cu gasolin

Un caso cu a laga tur hende keda pensa a sosode na Citgo Blvd diamars merdia. Un trahado di compania di huur auto a bay cu su colega pa tank algun tanki cu gasolin. Mas biaha nan ta bay yena e tankinan.

Ta gasolin pa e compania tank e autonan di huur ora cliente debolbe. Nan ta zorg pa e auto sali full tank atrobe cu cada cliente nobo. Den e proceso na Cirtgo Blvd un di e trahadonan di e compania di huur auto tabata yenando. Mirando cu ta hopi gasolin, a pidi e otro pa tene e slang y sigui yena. Ora e otro a tuma over su curpa tabata tin coriente.

Ora el a tene e hose, esaki a pase e coriente pa e hose y activa e candela. A core tira e hose y trahadonan di Citgo a core primi e boton di emergencia pa blokia tur pomp. A logra paga e candela tambe rapidamente. A bati alarma y unidadnan di polis y bombero a presenta.

A cuminsa chek kico por a pasa. A bin saca afo cu e persona cu a tuma e slang over a cende e candela ora e coriente a pase bay via su curpa. Tin biaha cierto hende tin coriente den nan curpa. Ora cu nan mishi cu metal ta pasa esaki. Bo ta sinti e coriente.

Despues di analisa tur cos, a conseha e empleado cu di e compania di huur pa otro biaha bisti un handschoen y evita algo similar. Danki Dios tur cos a caba bon sin incidente mayor. E daño tabata limita.