Consul di Italia na Maracaibo a bishita Aruba y Corsou

Esun cu priminti, ta hinca su mes den debe. Manera a anuncia durante e mision di februari ultimo, e consul di Italia na Maracaibo, Aniello Petito a cumpli cu su palabra y a bishita Aruba y Corsou. El a haci esey hunto cu dos colaborado pa atende un biaha mas multiple solicitud di su conciudadanonan residente riba e islanan aki.

E mision a cuminsa na Corsou, unda e ciudadanonan Italiano tabata ricibi den World Trade Center durante un atardi largo di trabou. A realisa tur tramite necesario pa renobacion di su paspoortnan. N’e ocasion aki, e consul tambe a ricibi algun Italiano ciudadano na e substitucion dje actual representante di republica. Manera ya anuncia, Pruneti ta desea di retira pronto despues di a eherce e funcion aki pa hopi aña.

Diadomingo ultimo, di mainta te atardi, e consul, e representante na Willemstad y e colaboradonan a ricibi e companjeronan residente den Hyatt Place Aruba Airport pa realisa e mesun tramitenan y contesta e preguntanan cu a haci nan. Aki tambe e consul tabata tin un dobel mision. Sinembargo, a nombra tambe como corespondiente consular na Aruba, Neyda La Porta Pellizzari, kende lo ta encarga cu e residentenan Italiano. E idea dje nombramento a nace di un necesidad real mirando e cantidad di number di conciudadano residente y e creciente interes economico den e isla aki pa parti di e mesun nan.

E nombramento a tuma luga den un camber di hotel den presencia di Minister di Economia, Comunicacion y Desaroyo Sostenibel, mr. Geoffrey Wever y algun conciudadano. Despues a tuma luga un recepcion ameno. Un biaha mas, dr. Petito a priminti un bishita den e prome trimester di otro aña, durante cual ta spera di bishita Boneiro tambe.