Conocido Oye a forsa mucha drenta auto cu ne

Diadomingo atardi alrededor di 3:30 pm polis a presenta na YMCA na Dakota pa un caso di atencion. Un mucha a yega YMCA tur trauma. El a conta e personanan na YMCA cu un homber den un auto color blanco a par’e cant’i caminda y fors’e drenta auto. E mucha a spanta y a sali na careda bay direccion YMCA pa bati alarma, pa cual na nan turno a avisa polis mesora di e caso.

E mucha tabata trauma, pa cual a informa Slachtofferhulp di e caso ‘ki. No ta mucho rato despues cu polis a topa e conocido Oye den Wilhelminastraat, Oye ta core un Suzuki color blanco cu ta cuadra cu descripcion y pa colmo e ta biba den Dakota.

Polis a bay cu Oye na YMCA, e mucha a confirma cu e ta e homber cu a fors’e drenta auto. Polis a atende fuertemente cu Oye riba su intencionnan.Conocido Oye a forsa mucha drenta auto cu ne.