News

Conflicto na SEHO: Pashent a denuncia falta di comunicacion y empatia

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img img{margin:0 auto 0 0}@media (max-width:767px){.tdi_9.td-a-rec-img{text-align:center}}

Un pashent femenino a presenta na e Departamento di Emergencia (Eerste Hulp) y e ta disgusta p’e trato cu el a ricibi fo’i nurse y trahado di siguridad di hospital. E tabata desespera pa su situacion y p’esey el a bay hospital.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img img{margin:0 auto 0 0}@media (max-width:767px){.tdi_8.td-a-rec-img{text-align:center}}

Paola Cuentas, denunciante, a indica cu el a presenta na Departamento di Emergencia pa motibo cu e tin dos luna caba cu su cara hincha y ta pica hopi. El a presenta caba un biaha eynan, pero ta mand’e cas y p’e bebe un remedi cu no ta cubri pa AZV. E ta bebe e remedi, pero e alergia no ta pasa.

El a sigui conta cu awe su alergia a bira pio y ta molestia hasta su horea. E ta sumamente desespera. El a tuma contacto cu ambulance pasobra e no por a sali di banjo ya cu e no por a wanta mas e kimamento. Na momento cu el a yega den ambulance, e nurse a inform’e cu e no ta papia Spaño.

Segun Cuentas, e tabata altera y su cara tabata pica. El a bay pa splica kico ta pasando cu ne, pero e nurse a indica di no ta papia Spaño ni Papiamento. El a bolbe splica pero no tabata sa ki pa haci mirando cu e nurse no ta compronde Spaño. E nurse a yama un otro nurse, kende a acerc’e demasiado pa bis’e cu “e ta grosero y no ta bay atend’e.” El a enfatisa di no ta grosero pero mas bien desespera. Tambe e ta un pashent psikiatrico y e no por altera, pasobra su hormonanan no ta reacciona normal. Nan sa di su problema caba y e ta den e proceso aki pa shete of ocho aña. Hospital sa di esey, pasobra nan tin su file.

Click link pa lesa mas: https://fb.watch/sasWT-zRzm

E nurse cu a atend’e a bisa cu no lo atend’e pa ta ‘grosero’ y lo a mand’e pa dokter na warda. Cuentas kiermen el a bay hopi bes caba dokter di warda y ta simplemente dun’e remedi di alergia cu no ta cubri pa AZV. E mes mester cumpra e remedi. Awe el a lanta mas pio, ta pasa henter dia ta basha awa friu riba su mes. El a enfatisa cu e nurse a bisa cu e mester bay dokter di warda, pero di otro banda e ta bisa cu e no por bay su so, ya cu e mester ta 24 ora cu su famia debi cu e ta altera. Y e nurse tabata nenga pa laga su famia drenta cerca dje. Mientras cu Cuentas tabata splica kico tabata pasand’e, su famia a acerca pa bay cu ne bek na hospital unda el a ricibi tratamento medico.

Reaccion di hospital

Nos a tuma contacto cu hospital pa nan banda di medaya. A splica nos cu e pashent a bira agresivo verbal cu e nurse nan na emergency. Nan a purba calm’e y e no kier a calma. Nan a bis’e nan lo yama siguridad pa asina bay cu ne pafo si e no calma. Na momento cu e trahado di siguridad a bay cu ne pafo, el a sigui ta agresivo y den esey sin tabata e intencion, pasobra e pashent no kier a calma, e trahado di siguridad a huñ’e na su man. Huisartsenpost den esey ya tabata cla pa atende, pero e no kier a tende y a yama polis.

Dokter na warda a controla Cuentas. Despues di esey el a sali fo’i hospital contento di a ricibi e atencion medico cu e tabata desea di ricibi.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img img{margin:0 auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *