Comerciante Uni riba prijs di awa y coriente: Locual a baha no ta locual a subi

Tarifa di awa y coriente tambe tin su influencia riba e gastonan di e consumidor, cu ta bira cobra esaki bek den e prijs di e productonan. Hopi biaha e comerciante ta ricibi keho di e consumidor ora cu e prijs ta cambia.  

Pueblo mester compronde cu e comerciante no kier cambia su prijs sin cu e sa kico su competencia ta haci.

Si tuma por ehempel, e aumento di tarifa di awa y coriente, na principio Gobierno a bisa cu e ta bay ta pa seis luna. Asina Frans Ponson, Presidente di Comerciante Uni di Aruba (CUA) a bisa. Tur e gremionan  a bin hunto y p’esey nan a sali grita bek. Na a purba manten’e, pero ora cu berdaderamente el a cuminsa tin su efecto riba e comerciante. Pero ora cu a ripara e aumento berdadero di e prijs, ya cu tur cos a aumenta exageradamente halto.

CUA tambe a sali protesta hunto cu e otro gremionan. Pero un biaha mas, mester enfatisa cu e prijs a baha, cual sigur nan ta contento cu esey. Sinembargo, e tarifa no a baha cu loke el a subi. Claro cu e comerciantenan ta contento cu toch el a baha. En bista di cu a baha e gastonan den WEB, den un futuro (cercano) e (tarifa di awa y coriente) lo mester baha mas, Ponson a bisa. Sigur nan ta contento cu e reduccion di e tarifa.

Pa e motibo aki tambe, Ponson a enfatisa, cu CUA no por duna un opinion basa riba e situacion actual. Nan ta spera prome e introduccion di e tarifa nobo (rebaha), kico ta su efectonan riba e prijs pa despues duna nan comentario di esaki.