Comerciante positivo cu revitalisacion di centro di ciudad pero ta exigi sinta cu minister riba aumento di BBO

Frans Ponson, Presidente di Comerciantenan Uni, contento di mira movecion porfin den caya grandi despues di tanto aña cu tur cos stagna/para, caminda hopi comerciante a cera nan porta.

Un proyecto nobo y grandi cu ta elogia e comerciantenan di Caya Grandi cu a haci inversion y mira cu el a cuminsa cana en espera di mira tur e cambionan cu lo embeyece e cayanan. E ta algo positivo y ta di spera cu e minister continua cu e trayectorio, a mira fase 1 y ta spera cu fase 2 y 3 lo bin pronto pa lanta a caya bek, ta locual Ponson bisa.

Entre Columbusstraat y Wilhelminastraat a bira punto simbolico pa duna inicio na proyecto di revitalisacion di Oranjestad den su prome fase.

Frans a indica di ta mira e gana cu e minister tin, e iniciativa di empuha Caya Grandi y na su luga pa sostene e comerciante di Caya Grandi pa mira mehoracion pronto cu e proyecto den e area aki.

Frans Ponson a remarca cu en berdad un cos ta e presentacion y otro ta e ehecucion aunke a mira cambio caba den e centro di ciudad. Ta intencion cu e cada fase di e proyecto bay lihe, ta e expectativa di e minister tambe pa cu e proyecto.

Na banda di e parti di embeyecemento, cu sigur ta contento cu ne,  a comunica preocupacion na e minister riba locual ta tumando luga e siman aki, cu ta e cambio di ley riba BBO. Den festeho asina mes a pidi un reunion urgente pa mañan (diamars mainta), pa atende cu cierto topico cu tin di haber cu cambio di ley cu lo drenta na vigor cuminsamento di aña y cu ta di suma importancia, programa pa pasa aki un par di dia.

Herrick Henriquez  Director di ATIA tambe tabata presente na e evento pa duna inicio na fase 1 di e proyecto di revitalisacion di Oranjestad. Diferente invitado a bin brinda sosten na e iniciativa y na comercio den e area.

Contento di mira iniciativa den e area aki, e fase1 a keda splica door di e minister caminda el a duna di conoce cu lo bira e revitalisacion di e centro di ciudad, pa un economia mas gastronomico, urbanificacion pa trece vivienda bek den playa.

Hopi idea great, bon pa mira un minister bin cu idea progresivo pa trece bek e fluho di persona y business bek den Playa. Locual kier mira awo ta e implementacion y asina bira mas atractivo den futuro, pa inversionista por tin un bista di e plannan y trece comercio bek den Playa.

Ademas di e plan di incentivacion pa comercio, tin e preocupacion cu BBO, of miho bisa full e plan fiscal 2023, ta bin dal e comercio/ mercado duro. Durante e momento social aki a haya e oportunidad di combersa cu Minister Geoffrey Wever y haci peticion pa un meeting mas pronto posibel. A fiha cu pa su awe mes e reunion lo tuma luga, tanto cu ATIA como tambe cu Comerciantenan Uni, pa asina por papia riba e preocupacionnan cu tin. A aprecia cu e minister a duna nan e espacio pa sinta cu ne, pa purba den ultimo dianan logra cambio cu toch lo yuda comercio di Aruba.

BBO por nifica un presion adicional riba cada comerciante cu lo por nifica cu lo por bira asina dificil te na punto di cera nan porta. Ta keda na incentiva comercio mas cu por y trece asina ey placa den caha di gobierno.