Comerciante Colombiano ta denuncia: Dos duanero a laga seis maleta  na aeropuerto

Yurani Nieto ta un persona cu ta bin cu mercancia fo’i Colombia y a yega Aruba diahuebs ultimo cu su mercancia y tur belasting paga. Diabierna el a bay aeropuerto pa nan revisa su mercancia manera semper e ta haci y dos duanero a laga seis maleta na aeropuerto pasobra nan no por drenta mas replica of imitacion. Pero no tin ningun papel firma riba esey.

Nan a tuma e decision ey door di un curso cu nan ta duna e duaneronan pa no laga mercancia drenta mas. Pero no tin nada skirbi, Nieto a splica. Segun e ta inhusto di nan parti sabiendo cu e dianan anterior, su coleganan por a bay cu nan mercancia sin ningun inconveniente.

El a reitera cu el a paga su impuestonan. Ta inhusto loke ta pasando cu ne. E mester a biaha diadomingo pero mester a cambia su vuelo pa diahuebs. Te asina leu no tin ningun solucion pa su mercancianan. Te nan mes no ta compronde cu nan tin su mercancianan. Loke cu Nieto ta pidi ta husticia, aunke e no ta un Arubiano. E ta preocupa loke ta pasando cu ne.