Clifford Rasmijn: E apoyo mental durante pelea ta importante

Diadomingo 23 di april a tuma luga na Miami Convention Center e “AAU Florida Gold Coast State Qualifier Championship” y Zayhon Klaber a participa bou guia di Clifford Rasmijn di Brazil Taekwondo Stichting. 

Clifford Rasmijn, ta e presidente di Stichting Brazil Taekwondo y ta presente como coach na Miami. Aruba no a gana pero nos por ta sigur cu e bataya no tabata facil. Clifford Rasmijn a duna di conoce Zahyon a yega di mira e contrincante bringa den un campeonato mundial. Esaki ta pone cu e tabata sa caba cu e lo competi contra un hende riba nivel. Durante transcurso di su trayectorio el a siña mas. 

Zahyon no a duna su Maikol Rodriguez un chens di pasa riba aunke e tabata mas dominante. Zahyon Klaber no a give up y tabata falta unicamente dos punto pa por yega e puntonan di Rodriguez. Pa e di dos rond Rodriguez a dal un 360 cu a cambia e pelea completo. Den su di dos round el a cambia e pelea completo. Na e momento aki Rodriguez ta miho prepara. 

E rol di Clifford Rasmijn ta pa analisa e pelea pa guia Zahyon Klaber den cosnan cu e mes no por mira mientras e ta den e pelea. Como coach e por mira kico ta locual e contrincante ta haciendo robes. Su deber como coach ta pa mustr’e ki ora pa tira scop of no. E apoyo mental tambe ta importante. 

Recientemente Clifford Rasmijn a bira presidente di Brazil Taekwondo. El a duna di conoce cu nan tin varios meta y ta pa e motibo ey mes por mira nan ta recolecta placa band’i caminda. Nan ta preparando pa bay Costa Rica y na augustus e lo bay Miami. Otro proyecto cu nan ta trahando riba dje ta e kalender. Na october lo bay Orlando pa e muchanan por gana mas experiencia. E siguiente biahe internacional lo ta esun di Costa Rica.