Charla : KON EVITA PA BIRA GORDO Djamars 8 di NOVEMBER 2022 na Sentro di Bario Souax
Fundashon Pro Souax, Sentro di Bario Souax i Sentro Médiko Souax ta anunsiá na habitante di Souax, Zegu, Gato i bisindario i tur otro interesado, kontinuashon djamars awor 8 di novèmber di e siklo di charla riba salú i kuido di salú. E luna aki, dr. Octavio Oliva dòkter di famia pa bario di Souax ta trata otro tema relashoná ku e tópiko di obesidat òf gordura, esta: “Kon evitá pa bira gordo.”
Bo ta gordo i bo ke komprondé dikon esei ta e kaso? Bo no ta gordo pero ke sa kon kuida pa mantené bo peso abou? Bo ke komprondé pa abo komo famia/amigu por sostené e persona ku ke baha di peso?
Bin skucha djamars awor 8 di novèmber e interesante charla KON EVITÁ PA BIRA GORDO.” na enkargo di dr Octavio Oliva.
E charla ta tuma lugá na Sentro di Bario Souax i ta kuminsá shet’or di anochi i lo dura te ku mitar di nuebe. Entrada ta grátis. Durante e charla lo tin amplio oportunidat pa hasi pregunta.
Charla riba tópiko di salú públiko
Tópiko : “KON EVITÁ PA BIRA GORDO”
Oradó : Dr. Oliva
Dia : Djamars 8 di NOVÈMBER 2022
Ora : Shet’or pa mitar di nuebe di anochi (19.00 – 20.30)
Lugá : Sentro di bario Souax
Entrada : GRÁTIS
