Chag sameach: Hannukah a cuminsa

E candelaria dilanti bestuurskantoor, no ta un candelaria comun. E yama Chanukeah pasobra e ta e candelaria di Hannukah. Si por fiha bon, na luga di shete bela, e ta un candelaria cu ta cende cu ocho, segun Rabbi Baruch Zeilicovich di e sinagoga Beth Israel.

Esun memey ta uno special pasobra ta cende esey prome y for di esey, ta cende e otronan. Ta yam’e comosifuera un sirbiente. Segun e Rabbi, ta cende ocho bela total p’e ocho dianan dje festividad cu ta recorda cu ora e Macabeonan, di acuerdo dje buki di Macabeo number 1:4 “ta vence e Griegonan cu a profana e tempel di Jerusalem, instalando idolo. A limpia e tempel, a saca e idolonan, a traha e altar bek pa sirbi e Dios di Israel. Y a decreta cu lo bay celebr’e pa ocho dia.”

Pakico ocho dia cu bela y cu luz. Segun e Rabbi, tabatin azeta, cu e seyo di e sacerdotenan, pa nan dura un solo dia y pa fabrica e azeta aki di nobo, cu e ta apto p’e tempel, tabatin mester ocho shete dia. Un milager a sosode y e container di azeta cu lo mester a bay dura un solo dia, a dura e otro shete dia mas, por lo tanto, e candelaria a keda cendi pa ocho dia, aunke tabatin azeta pa uno so.

Como memoria n’e milager, n’e memoria na victoria y e restauracion dje tempel y e kitamento di idolatria, ta celebra e fiesta aki.

Hannukah ta nifica remodelacion, reinauguracion. Esey ta loke e palabra aki ta nifica, segun e Rabbi.

Pa mas informacion lesa TREMPAN.