Den fin di siman Chaco Taekwondo Academy bou guia di Master Miguel Genser, Master Melvin Rasmijn y Master Yoshmar Wever a organisa un car wash pa recauda fondo. E fondo aki ta pa realisa varios proyecto cu tin pa aña 2024.
E comision di mayornan a pone man hunto cu e atletanan di Chaco Taekwondo Academy pa laba cada auto cu a bin pa haya nan briyo.
For di 10:00 am te cu 2:00 pm e autonan a yega un tras di otro. Ivan Jansen a kita tur stof cu tabata tin ariba e autonan cu e pressure washer, sigui pa John cu a spula e autonan cu habon pa despues Nicholson kita e habon y sigui pa Mirian y su team di dama a seca e autonan. Asina e dia a bay tur auto a pasa manera un lopende band y nan auto a keda mustra manera nobo.
Chaco Taekwondo Academy ta gradici e pueblo cu a sostene e car wash y specialmente e team di Chaco Taekwondo Academy cu a laga tur e autonan briya. Tambe ta gradici tur esunnan cu a kere den e proyecto aki.
Comment