Caso serio: Duo arma a mara henter famia den cas buscando placa cash

Diasabra marduga alrededor di 2:00 am polis a presenta cu urgencia n’un cas den Macubaristraat p’un caso basta serio. Aki ta caminda cu dos homber cara tapa y cu arma den man a drenta cas y mara tur hende cu tie wraps. 

Na yegada di polis hunto cu e unidad di 24ora.com a topa famia ainda cu tie wrap na man. Polis a logra pa kita esakinan for di man di tur hende den cas. Famia ta conta con e dos hombernan a drenta y agredi nan. Segun un familiar, un tabatin un 38 den man y e otro un tas grandi. Nan tabata buscando placa cash. Pero no a logra bay cu e placa. A bay cu Playstation y varios telefon celular. 

Team di aresto a activa mesora y a cuminsa cu un buskeda den e area. A para diferente auto pero sin resultado.

Team forensico di polis y recherche a presenta ba sitio pa sigui cu e proceso di investigacion. E cas unda e situacion a surgi no ta un adres desconoci pa polis. Dilanti n’e cas tin camara di siguridad cu a capta tur cos, cual lo yuda tambe pa cu investigacion.