Caso retiro Paola Kock tin tur aspecto di persecucion politico

E caso den Corte di Ambtenaar, di e polis Paola Kock, luchando contra su retiro dilanti hues, a señala diferente aspecto di inhusticia. Asina por deduci, si analisa for di ki momento e problemanan a cuminsa, cu aki ta trata puramente di un persecucion politico. Un punto ta conduci na e otro. 

E problema no a cuminsa na 2016 of 2017, pero fo’i 2010. Hopi hende no ta na altura di esaki, pero Paola Kock t’e funcionario policial cu e yiu di actual Minister di Husticia, Rocco Tjon, a conta riba e actonan inmoral cu lo tabata pasa cu ne momentonan cu e ta cerca su tata. For di e momento ey Kock a bin ta encontra obstaculo na su trabao, pero nunca por a haya algo contra di dje. 

Tur loke a pas’e prome cu 2016 caminda cu den tur forma den nan poder a sa di obstaculisa su caminda pa avansa su carera den polis, ta cos cu e no tabata compronde te ora cu a trata na mishi cu su reputacion y carera intachabel cu e tabatin durante 23 aña como polis.

Durante tratamento di e diferente casonan den Corte, por a saca hopi informacion cu ta aparece den e caso aki. El a splica den Corte cu prueba, tur loke cu el a haci ta pa demostra con leal e tabata na su doño di trabou como un bon polis. Esun cu ta amigo di hopi aña cu Ex-Minister Paul Croes ta su casa.