Caso di hit and run: Hoben alcansa p’un Honda

Diahuebs anochi, den careda di 7:00 pm, a sosode un hit and run dilanti MFA na Palm Beach. Un auto modelo Honda color preto a alcansa un hoben cu tabata yegando su cas despues cu el a caba di traha. Chauffeur di e auto a bandona sitio di biaha.

Victima ta e hoben masculino Stephen Heyliger. Momento cu esey a pasa, su amigo hunto cu su mama a reacciona rapidamente y a tuma contacto cu tanto polis como ambulance. Famia ta preocupa cu e situacion di hit and run y ta puntra nan mes si esaki a bira un trend.

Den e area tin diferente camara y e famia no sa si e camaranan di CMB, Western Union Palm beach por a capta e Honda color preto cu a comete e acto di hit and run. E hoben, no a resulta gravemente herida, sinembargo famia ta cuestino e echo cu con por ta posibel cu ta dal un persona cu auto y sigui bay manera nada a pasa. Esun cu por a mira algo of sa ken por a ocasiona esaki, por tuma contacto sea na 5881588 of 5852500 cu ta Youth and Vice Police.