Candela den camber a expande cu mucha di ocho aña su so na cas

Dialuna anochi alrededor di 7:30 pm polis y brandweer a presenta cu urgencia den Weg Sero Preto na San Nicolas p’un supuesto cas na candela. Na yegada di polis y brandweer a constata cu ta un camber tabata na candela.

Algun ciudadano pafo di e cas a conta cu a topa cu un hobencita su so para cant’i caya ta grita pa ayudo. Mesora brandweer a bay den accion. E candela a expande lihe. Personal di Elmar a presenta na sitio p’asina desconecta coriente for di e cas.

Mas despues a logra drenta parti paden di e cas pa mira kico a resta, cual ta practicamente nada. E camber a kima por completo. For di television, cama, cashi, material di scol y mas. Durante un entrevista cu e tata, el a conta cu berdad e hobencita tabata su so na cas.

E ruman grandi di diesshete aña t’esun cu mester tira bista p’e pero net na e momento ey no tabata na cas. E mama tabata na trabou ora e situacion a pasa. A yega cas cu man na cabes y mira kico tur a resta di e cas. Awo, e mucha ta sin paña cu speransa di por ricibi yudansa.