img{margin:0
auto 0 0}@media (max-width:767px){.tdi_9.td-a-rec-img{text-align:center}}
E nivel di mentira y malicia riba mundo a aumenta drasticamente, pasobra e prins di e mundo aki cual ta satanas, ta esun cu ta influencia grandi y chiki, rico y pober, bobo y sabi, y hopi di esnan cu ta den posicion halto cu ta dirigi paisnan mundialmente a cay den su gara.
img{margin:0
auto 0 0}@media (max-width:767px){.tdi_8.td-a-rec-img{text-align:center}}
Berdad di Dios ta wordo rechasa, temor di Dios a bira anticua, y respet pa Dios hopi caminda ya no ta wordo aprecia.
Aprobacion di inmoralidad, mentira, orguyo y terkedad, a bira algo normal, pasobra ta para skirbi cu mundo henter ta den temponan trabahoso.( 2 Timoteo 3:1-5).
Aunke e berdad di Cristo Hesus a wordo proclama mas cu dos mil aña pasa toch hende keto bay ta permiti nan mes wordo engaña door di e enemigo.
Pero mientras cu nos ta na bida, nos tin cu haci tur locual ta posibel pa rechasa mentira, cera porta pa mentira , proteha nos mes y nos famia for di mentira. Pasobra aunke hopi mentira ta parce berdad, nunca e lo bira berdad.
Hesus a bisa Ami ta e caminda,y e berdad y e bida,ningun hende no por yega cerca e Tata sino ta pa medio di Mi.
Si un hende no ta kere y no tin Cristo Hesus den su bida como Señor y Salbador e no ta canando den e berdad ,e ta canando bao di condenacion, locual ta para skirbi den Juan 3:18).
Y esey ta e wega di diabel pa laga hopi hende kere cu nan no tin mester di Dios den nan bida, y cu no ta importante pa nan sali for di scuridad y bini na e luz di Cristo, cu nan ta bon manera nan ta y cu nan no falta nada, y asina pone hende kere den nan mes y no kere den Dios.
Y aki nan orguyo y terkedad ta aumenta, y falta di pordon den curason di hende, ta bira un custumber y den esey diabel ta sigui hunga cu mente di hende y asina nan ta cay bao di dominio di pica, y nan ta cuminsa yama locual ta bon malo y locual ta malo bon.
Si nos wak bon den Galatationan 5:19-21 nos por mira claramente cu un bida den carni, no por hereda e reino di Dios, esey Dios ta splica bon cla.
Den Romanonan 1:28 -32 ta bolbe mustra cu esnan cu no ta haya ta necesario pa reconoce Dios, Dios lo entrega nan na un mente perverso, pa haci cosnan cu no ta cumbini.
Den esaki nos tin cu tene cuenta cu ta masha peligroso bay contra e berdad di Dios of haci bofon di Dios, pasobra tur locual hende sembra nan lo cosecha.
Ta un lucha grandi tin for di principio di mundo entre e berdad y e mentira, p’esey Hesus a bisa den Juan 10:10 cu e ladron ta bini solamente pa horta, pa mata y destrui, pero E a bini pa duna bida y pa nos tin bida na abundancia.
P’esey Hesus a bisa cu si e Yiu haci boso liber di berdad boso ta liber .( Juan 8:36).
Den Juan 8 :1-11 Hesus tabata papia cu e muhe adultera, pero tambe a hala atencion di tur hende cu esun cu no tin pica tira e prome piedra, den esey ta keda demostra cu nos tur tin pica y cu nos tur tin mester di Cristo Hesus den nos bida
Cristo Hesus no a bini pa condena sino pa salba tur esnan cu ta kere den dj’E.
E berdad di Dios ta necesario.
Sinceramente, Pastoor Marcel Balootje.
img{margin:0
auto 0 0}@media (max-width:767px){.tdi_10.td-a-rec-img{text-align:center}}
Comment