News

Cambio den ley di BBO a yega Parlamento

/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}

Ayera mainta parlamentarionan a ricibi e ley cu ta regarda e cambionan den e ambito fiscal cu mester drenta na vigor dia prome di januari 2023. E reaccionnan tabata minimo, si bo pone den perspectiva cu e embergadura di e leynan cu lo mester pasa Parlamento ainda prome cu aña bolter. Oposicion a  manda un carta ayera pa pidi consulta cu gremio comercial y sector sindical, pero a keda te ey. Gremio comercial mes no a duna mucho reaccion y si bo por inventarisa e reaccionnan riba red social, esaki tabata casi ausente. E Parlamentarionan cu ta sostene Gobierno no ta duna oido y ta di bishita di trabou na Hulanda.

/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}

PLAN FISCAL 2023

Si por resumi di un manera obhetivo, por lesa e conseho di Raad van Advies tabata hopi fuerte: Gobierno no a haci un estudio riba e impacto economico, ni tampoco a indica si e medidanan aki ta temporal si of no. Nos no mester lubida cu te cu aña pasa Gobierno a hiba consultanan cu tur stakeholder anunciando introduccion di BTW. Despues, luna pasa, a reemplasa BTW cu un BBO na frontera cu aparentemente lo tabata conta cu sosten di gremio comercial. Awe nos tin un ‘Plan Fiscal 2023’ cu ta consisti e.o. di un aumento di BBO te cu 7% sin cu a haci un estudio riba e efecto den nos economia, inversionnan, poder di compra. 

Ademas di e aumento di BBO, e empresario chikito lo ta liber di su obligacion di BBO y BASV pa 50 mil florin pa aña so. Cu esaki e ta perde 34 mil florin na vrijstelling y tambe ta amplia e definicion di servicio haciendo e menos atractivo pa haci negoshi di manera online. Esaki siguramente no ta den liña cu e maneho economico cu Gobierno mes a anuncia. Beneficio cu Gobierno ta ofrece den e Plan Fiscal aki no ta yega cerca e comerciante chikito, cu por traduci den prijsnan mas abou pa producto y servicio. Di otro banda, Gobierno ta sigui saca fondo di e galiña cu ta pone webo di oro, esta e sector turistico, aumentando e impuestonan den sector turistico haciendo e estadia na Aruba mas caro. Esaki tin como consecuencia cu riba termino largo e turista lo gasta menos.

INFLACION

Bo no mester ta un genio den matematica pa sa cu pueblo lo sinti e efecto acumulativo di un porcentahe mas. Mescos cu na introduccion di BBO na aña 2006 pa partido MEP memey di un crisis, e aumento di BBO den combinacion cu prijsnan halto pa combustibel y tambe di comestibel door di e situacion mundial, lo tin un efecto exponencial riba prijs di consumo, producto y servicio riba nos isla.

Cu e Plan Fiscal 2023 Gobierno mester genera casi 170 miyon florin extra na entrada cu ta ekivalente na un aumento di 3% di BBO. Banda di esaki, Gobierno ‘lo duna bek’ sea den incentivo of e transferencianan mas o menos 60 miyon florin. Un di e beneficionan cu Gobierno a pensa riba dje, ta aumento di reparatietoeslag cu 45 florin. Esaki lo wordo absorbe casi automaticamente door di e aumentonan di e peso di impuesto. E aumento di impuesto no ta solamente 1% di BBO manera nan a anuncia, pero si bo inclui tur e otro ‘ahustenan’, e aumento di entrada di Gobierno ta ekivalente na 3% di BBO. Esaki ta un aumento di 50% riba e tarifa existente. Esaki lo nifica sigur un aumento di inflacion di 10% riba su mes, segun nos calculonan y situacionnan den pasado.

HISTORIA

E Plan Fiscal 2023 – e di tantisimo fase di e reforma fiscal anuncia pa Gabinete Wever-Croes I —  ta contene cambio den 20 ley cu awor numa a yega Parlamento. Durante tratamento di presupuesto 2023 a entrega durante reunion un nota di cambio cu ta inclui parti di e plan fiscal aki. Pa cumpli cu locual a presupuesta como entrada e leynan cu ta regarda Plan Fiscal aki mester drenta na vigor prome di januari 2023.

E Plan Fiscal 2023 tin un embergadura asina grandi y cu efectonan enorme pa e costo di bida pa esunnan di mas vulnerabel, e pensionadonan, empresarionan chikito y independiente a wordo presenta sin un consulta debido cu sindicatonan, dunadonan di trabou of gremionan comercial.

EFECTONAN

Ademas di e efectonan aki, loke ta preocupante ta e manera goberna aki ta categorisa tambe falta di direccion y decision unda cu a wanta hente pueblo den un incertidumbre riba tereno di impuesto y gasto di haci negoshi pa casi un aña.

Locual cu por a wak na 2018 a core introduci un crisisheffing y cu tur e consecuencianan cu e ta trece hustamente pa motibo cu e materia no ta wordo scrutiña di e manera debido. E crisisheffing a resulta di ta un otro aumento di BBO y BAZV supuestamente temporario. E entradanan adicional aki ta destina pa cubri gastonan nobo di e Gobierno di e tempo ey y esaki ta ripiti su mes un biaha mas. A introduci de paso un BAVP, destina pa paga proyectonan ppp, cu ta genera mucho mas entrada cu e gastonan actual di PPP. Niun hende ta cuestiona unda e diferencia ta bay?

Y e bosnan cu mester ta critico pa alerta nos comunidad riba e direccion aki ta demasiado poco.

/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}

Comment

Your email address will not be published. Required fields are marked *