Busto di Tino Ruiz ta den su fase final

Ya caba na Bogota ta haciendo e ultimo toke pa asina caba cu e busto di Tino Ruiz. E ta e agente cu a muri riba trabou algun aña pasa. Algun luna pasa 24ora tabata presente ora a cuminsa traha riba e forma. Awor e ta hopi avansa y ta kere cu den algun siman lo ta cla pa manda Aruba.

Artista local Gilbert Senchi y su team ta trahando tur dia di mainta te atardi riba e proyectonan pa Aruba, pero tambe pa proyectonan similar pa gobierno Colombiano. Lo ubica e busto aki riba un plasa cu ainda DOW mester traha na e rotonde cu tin na e warda di Noord. Lo pone dilanti e warda pariba di ex-Rio Grande. E intencion ta pa den december haci e desvelacion oficial.

Si tur cos ta bon e siman aki lo tin un presentacion na Bogota riba e proyecto aki y otro mas cu tambe mester keda cla pa januari 2023. Den e presentacion aki lo t’ey diferente invitado manera esunnan di embahada Hulandes, autoridad Colombiano, gobernante di Aruba y tambe oficina di turismo di Aruba staciona na Colombia. Keda pendiente pa e evento e siman aki pa asina Aruba haya sa mas con tur cos a bay y con gobierno di Aruba ta prepara su mes pa dia e busto yega Aruba.