KOMUNIKADO DI PRENSA 428 /2022
13 sèptèmber 2022
Búskeda di dama perdí.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Famia ta pidi búskeda di e dama Ivanna Bernadina Martis nasé na Kòrsou, di 21 aña di edat i
ta biba na Kaminda Opal.
For di djadumingu 4 di sèptèmber 2022 famianan no sa paradero di Ivanna. Riba e dia
enkestion alrededor di 12.00’or, Ivanna a sali kas di su mama i despues di esaki no a tende
mas di Ivanna.
Ivanna tin e siguiente deskripshon:
Haltura: entre 1.56 m pa 1.65 m
Postura: normal ;
Kabei: “wave/curly”;
Koló di wowo: maron skur;
Koló di kueru : maron kla.
Na momentu ku Ivanna a sali kas e tabatin un t-shirt blanku ku jeans blou i slòf na pia bistí.
Tambe Ivanna tin un skupi di Dios (moedervlek) na e parti ariba di su man drechi i un
tatuahe den forma di un lèter na su lomba i riba e parti abou di su pia robes.
Polis ta supliká tur persona ku por duna kualke informashon tokante di Ivanna pa tuma
kontakto ku polis na number di telefòn 917 òf e number anónimo 108.
