Un biaha mas n’e area pariba di Royal Plaza ta yena cu sushi. Pero un biaha mas a haci e tereno den Shellstraat limpi. E tereno aki ta habri, sin construccion y ta pertenece na Consulado Venezolano.
E tereno aki ta priva, pero esaki ta di tres of cuater bes cu e trahadonan di Bureau City Inspector ta activo den e zona aki. E tereno aki ta den zona turistico. No ta deber di Bureau City Inspector pa mantene e luga limpi, pero esaki ta di tres como cuater bes cu nan ta bin haci e area limpi.
Doño di e tereno a pone hekwerk y ty rap, pero esunnan cu ta yega eynan pa tira sushi ta corta esaki y benta yen sushi riba e tereno aki. Sea ta paga choller pa benta e sushinan afo y esakinan ta termina unda cu ta. Of nan ta coba den e barinan, den e saconan pa wak kico por haya.
Bureau City Inspector a cuminsa haci limpi y aki por a mira saco di ijs, boter di refresco, y hopi mas. Tambe a haya articulo di cas y a haya cos cu nomber di hende of negoshi. Asina ey e trahadonan ta busca kico tur por haya p’asina yega na esunnan responsabel.
E adictonan ta cana cu bar’i sushi. Un adicto a indica cu el a uza e bar’i sushi di Paddock pa hiba awa p’un señora cu mester di esaki. E no por bisa con e sushinan a yega, pero si cu tabatin un baki di metal eynan. El a sigui bisa cu tin hende ta tira sushi pafo di e baki.
A habri e hekwerk pa asina auto drenta y tira sushi. Hasta a bay leu cu doño di otro edificio ta saca tubo di airco y laga e awa basha riba e tereno priva cu ta den zona turistico, unda hopi turista ta pasa su dilanti y ta mira un mahos bista.
Comment